• partenadis da scolas e da classas cun plirs inscunters per onn da scola
• barats da classas dad 1 fin 3 dis per classa
• barats da mesas classas
• barats da rotaziun da singuls scolars ni era gruppas da scolars
• barats da persunas d'instrucziun

Projects da barat linguistic ston cuntegnair almain quatter lecziuns per di cun focus sin l'acquisiziun da la lingua. Cun il link sutvart chattas ti infurmaziuns da l'Uffizi per la scola populara e sport e contacts da persunas che pon sustegnair tai en la planisaziun dad in barat.

In barat linguistic interrumantsch pussibilitescha ad uffants e giuvenils d'avair contact cun auters giuvenils en la medema vegliadetgna d'ina differenta regiun rumantscha.

Quest'occupaziun directa cun in auter idiom meglierescha las cumpetenzas linguisticas rumantschas ed auza la motivaziun per duvrar il rumantsch en discurs cun uffants e giuvenils dad autras regiuns rumantschas. In barat linguistic interrumantsch sustegn però er d'auzar l'identitad rumantscha e la stima da sasez, d'emprender cuntegns da furmaziun centrals sco cumpetenzas interculturalas e da meglierar l'atgna valur sin il martgà da lavur.