Il program “Emprender insieme” da l’organisaziun Movetia.ch permetta a giuvenils dals stgalims secundars I e II da far in barat individual vicendaivel da duas emnas durant il temp da scola. Per scolaras e scolars da la Svizra rumantscha è in barat cun il rest da la Svizra pussaivel, quai vul dir cun scolaras e scolars da la Svizra romanda, taliana u tudestga.

Il proxim termin d’annunzia è ils 15 da november 2024. Tut las infurmaziuns chattais vus sin la pagina https://www.movetia.ch/rm/programme/national/einzelaustausch/emprender-insieme

Participar pon tut las famiglias che abiteschan en Svizra. Il mument da l'emprim barat èn las partenarias u ils partenaris da barat en il stgalim secundar I u II (ca. 13 fin 18 onns) e disponan da las enconuschientschas fundamentalas da la lingua, en la quala il barat duai avair lieu. Las persunas autorisadas d'educar s'obligheschan da prender si la partenaria u il partenari da barat durant il temp cunvegnì. Movetia sa gida cun intermediar in partenari da barat adattà e cun in sustegn finanzial da 300.- francs per mobilitad.