Preziadas commembras, preziai commembers

Stimadas amitgas, stimai amitgs dalla Conferenza generala Surselva

Cun quest mail envidein nus Vus cordialmein al proxim Di da romontsch che ha liug ils 8 da november 2023 ella Casa da Sentupada a Glion.

Ell’aschunta tarmettein nus il program dil di ed era il protocol dalla radunonza generala 2022. Nus sperein dad haver elaborau in program che cuntegn zatgei per tuts interess. Plinavon anfleis il rapport presidial sin nossa pagina d’internet www.cgsurselva.ch.

Naven dad immediat ei il portal per s’annunziar pil Di da romontsch aviarts. Fagei aschi bien e s’annunziei sche Vus prendis part sco commembra, sco commember, meinacuors ni sco hosp entochen mesjamna, ils 25-10-2023. Era uonn ein ils plazs pils singuls luvratoris limitai.

Sco quei che Vus saveis, ei era il diember da parcadis limitaus. Per quei motiv supplichein nus Vus da formar cuminonzas da viadi resp. da far diever dils mieds publics. 

Nus selegrein da seveser il november.

Salids cordials

La suprastonza CGS