Fin uss devi mo en las trais linguas naziunalas purschidas per auturs ed auturas d’approfundar l’art da scriver texts litterars. A partir dal 2025 duai da nov er esser pussaivel per scrivents e scriventas rumantschas da sa participar ad in lavuratori per perfecziunar il scriver da texts litterars per rumantsch. 

La purschida sa drizza tenor la Lia Rumantscha a persunas da tuttas vegliadetgnas e tuts idioms – independent da lur experientschas da scriver texts litterars. Il lavuratori cuzza en tut quatter semesters, cumenza il schaner 2025 ed ha mintgamai lieu la sonda. Questa purschida da la Lia Rumantscha vegn sustegnida finanzialmain da la Fundaziun svizra per la cultura Pro Helvetia. Planisads per il lavuratori èn tenor la communicaziun tschintg moduls tematics che dattan ina survista dal canon litterar rumantsch e sa concentreschan sin il mastergn dal scriver. Suenter questa part tematica sa deditgeschan ils participants e las participantas a lur agens projects litterars – quai cun sustegn professiunal. Docents e menturas per il curs èn tranter auter Flurina Badel, Lukas Bärfuss, Dumenic Andry e Rico Valär. 

* L’annunzia per il lavuratori è pussaivla a partir dal 1. da settember enfin la fin da november 2024

Dapli sin RTR.