Ün'istogria pel ciclus 1 e 2: Max, il squigliat / Max, il squilat

Intaunt cha d'utuon giran tuot ils squigliats be fatschögn pel god suot, sezza Max sün sieu crap e rumpa üna nusch zieva l'otra e nu s'impersögna da fer provisiuns. Cur chi vain la naiv sto'l lo cun pattas vödas e sbarbugliöz. Survivaregia el l'inviern?

Daniel Fehr raquinta in möd divertent dal squigliat chi nun imprenda da sieus sbagls. Precis uschè rumpa la figüra Max cullas aspettattivas ad üna fin paschaivla ed activescha ad iffaunts da ponderer davart lur respunsabilited, toleranza e differents möds da viver.

L'OSL sto a dispusiziun per puter, vallader, tudas-ch, inglais e frances. Dapü infurmaziuns as chatta per puter suot Max, il squigliat e vallader suot Max, il squilat.

Grazcha ad Ursina Blumenthal- Urech per la traducziun putera, a Dumenic Andry per la traducziun valladra ed a las Ouvra Svizras per lectüra per lur lavur diligiainta per la spüerta rumauntscha.