Sco ch’il Chantun scriva en ina communicaziun vegnian cun questa concurrenza promovids giuvenils che s’occupan scientificamain da las linguas chantunalas dal Grischun e che prestan uschia ina contribuziun per mantegnair ed appreziar la diversitad linguistica.

Premiadas vegnan maximalmain trais lavurs da maturitad cun in premi da 200 fin 1000 francs. Participar pon scolaras e scolars che frequentan in gimnasi en il chantun Grischun. Las lavurs da matura ston esser scrittas en ina da las linguas uffizialas grischunas: tudestg, talian, rumantsch (idiom u rumantsch grischun). Ellas pon vegnir inoltradas fin ils 15 da mars 2027 al Post spezialisà per la plurilinguitad.

La concurrenza è tenor la communicaziun ina da las mesiras dal rapport «Mesiras per mantegnair e per promover la lingua e la cultura rumantscha e taliana en il chantun Grischun» da l’Uffizi federal da cultura e dal Center per democrazia. (cdm/fmr)

foto en il teaser: IA